∎ |
---|
Signo de fin de artigo |
Signos ortográficos |
punto ( . ) coma ( , ) |
Outros signos auxiliares |
antilambda ( < > ) antígrafo ( ¶ ) |
O signo de fin de artigo, tombstone, Halmos, fin da demostración ou signo de Q.E.D. «∎» úsase en Matemáticas para sinalar a fin dunha demostración matemática, en lugar da abreviatura habitual «Q.E.D.», da frase latina quod erat demonstrandum, «o que se quería demostrar». Nas revistas, é un dos signos que se emprega para indicar o final dun artigo.
No Unicode, represéntase polo carácter 220E, que ten variantes gráficas. Pode ser un rectángulo ou un cadrado baleiro ou enchido.
Ás veces chámase halmos polo matemático Paul Halmos, que foi o primeiro que o usou nun contexto matemático. Tivo a idea de empregalo tras velo usado para indicar o final dos artigos en revistas. Nas súas memorias I Want to Be a Mathematician, escribiu:[1]
O símbolo non é definitivamente invención miña; — aparecía en revistas populares (non matemáticas) antes de que eu o adoptase, pero, unha vez máis, parece que eu o introducín nas Matemáticas. É o símbolo que ás veces aparece como ▯, e úsase para indicar un final, habitualmente o final dunha proba. Frecuentemente chámase 'tombstone', pero polo menos un xeneroso autor referiuse a el como ‘halmos’.[2]
© MMXXIII Rich X Search. We shall prevail. All rights reserved. Rich X Search